Latest update March 28th, 2024 12:59 AM
Feb 15, 2013 Dem Boys Seh, Features / Columnists, News
Brazzy is one man who when he talk people does got to run. Dem boys seh that he dishonest. Very, very dishonest. If he had to tek a lie detector test de machine gun got a problem reading. It might bruck up because de needle gun jump out de glass case wid he lies and he deceit.
But one thing fuh sure, dem boys know that he gun end up in jail. Dem boys got black tongue. Dem did seh that Sonny was going to jail and people laugh because dem didn’t believe dem boys. Dem seh that Sonny was fat and jolly and honest. When de Feds put dem hand pun he and lock he down is then people believe.
Dem boys did seh that Ed Ah Mad going to jail too. People who know that he and Bharrat was close, tell dem friends that dem boys don’t know wha dem saying, that dem talking out de corner of dem mouth.
Well de Feds put dem hand pun he too and is now people know that when dem boys seh something it gun happen.
De difference between Brazzy, de Bees, and Sonny and Ed is only time, and everybody know that time longer than twine.
Dem boys also seh that is only time before some men wearing white gun tun up in Parliament wid a straightjacket. Parliament going on and because people heckle de Speaker he walk out. People know that de parliamentarians does walk out, but never in de history of de parliament dem ever see de Speaker walk out.
One man seh that is de times. It rough. Dem had a picketing outside de Marriott and dem workers down tools and hide in a corner. De same project that dem seh that dem want done in a hurry grind to a halt.
Dem boys seh that is nuff madness going on in Guyana. Fuh de fuss time dem got a project and no Guyanese wukking. Fuh de fuss time a foreign country get a TV station when Guyanese line up to get and dem can’t get.
If is nah madness tekking over de country then dem boys want to know is wha.
Talk half and watch when dem carrying down Brazzy.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]