Latest update March 28th, 2024 12:59 AM
Feb 03, 2013 Dem Boys Seh, Features / Columnists, News
When people talk bout fraud Jagdeo use to tell dem to provide de evidence. When dem provide de evidence he use to tell everybody that while dem got evidence, de evidence cannot stand up in court.
Dem boys know that he is an economist. Dem ain’t know since when he is lawyer or judge or magistrate. Dem is de people who got to decide whether de evidence can stand up in court.
People give de man evidence bout container fraud and he tun he face. When a man press he then he tun he back.
That is how three-quarter of de country tun thieves. Some get away wid all dem thief and continue to thief. Ask de Bees plus Rob Earth and Irfaat.
Dem know people who thief so much and some of dem share in de thiefing money that people know how dem tun some of de richest people in de region.
And to become so rich you got to be a scamp of de highest order. That is wha dem boys seh. Jagdeo bright and he know de Treasury inside out. He know it so good that he can tek out money by remote control from de Treasury.
When he was President, Shaatie use to tek out fuh he. Dem tek out money and give Bar Bee fuh keep. Bar Bee does walk money, sleep money and dream money.
He and dem Bees now wondering wha next to buy. Dem done buy almost all of Guyana and dem control air, land and sea. Is only Sonny mess up de air control.
And de man who selling is Brazzy. He sell everything, from de Santa complex to some private property. Brazzy strike de deal fuh Vieira TV and all he property, even de house at Versailles. And all de money wha transfer to NICIL did not end up in de Treasury or in de bank.
Dem boys seh that de people of this country need to know wheh de money deh. That is wha dem boys want to know too.
And dem boys ain’t gun rest till dem see, smell, taste, feel and know wheh all de money gone.
Talk half and wait fuh when dem gun show wheh de money deh.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]