Anybody who defend thiefing got to be a thief. That is why in certain place when people ketch and beat thief man all dem who run and holler pun people not to beat dem got to be thieves too. Dem boys been in parliament de other day when people start asking question about de drug deal between de Ministry of Health and de company that use to mek drugs in this country.
De government arrange things in such a way that only this company can sell drugs to de government. De Auditor General complain bout this but dem didn’t care. Dem continue to give away de people money. Now de people asking if de drugs did come in and some people talking how dem got to check.
When de people who want know how de government money spend start fuh ask more question is then dem boys see who does encourage de thiefing. One of dem claim how he gun talk to de man who import de drugs and see if he can get de man fuh sue some of dem who asking all dem question.
That is threatening and only when people sharing in something that dem does threaten to protect that thing and some does even protect it.
Dem boys seh that dem always believe that everybody want to protect de state funds but it look like if some want to protect and some definitely want to see scampishness because dem does get a drawback.
De story ain’t done yet. Is more question in dem tail and dem boys waiting fuh see who gun push in dem mouth fuh defend de way how de money move from de Treasury to one company and one company only.
De thing that got dem boys worried is how de people tell de parliament that dem store any drugs fuh free when Leslie tell de media how de government does pay fuh store de drugs because de Ministry ain’t got space. Dem boys got de recording.
Talk half and watch fuh more crookishness.
Sep 23, 2017The annual GTT National Indoor Hockey Championships returns to the Cliff Anderson Sports Hall for the first time in seven years as the Guyana Hockey Board (GHB) stages its first tournament on the...
Supporters of Forbes Burnham believed in him. They saw him as a political saviour. Most believed his every word and would... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]