De year coming to an end and nuff people worried bout wha de New Year gun bring. Fuh some of dem, de past year had grief because some of de people who dem been holding on now got new people holding on pun dem. Tek Ed de Mad One.
De Rat and he was good friends. That was de man who send two container of goods fuh Bharrat when he was President.
De Mad One end up tekking people like if was he own and de Feds tek he in fuh safe keeping and fuh punishment because de Good Book seh that Thou Shalt not Steal. De Mad One didn’t only steal he also break another rule in de Good Book. That rule seh that Thou Shalt not bear false witness. In short, don’t present youself as what you ain’t.
Then dem had de man who come wid Easy Come Easy Go. It gone. He too break de rule which seh that Thou Shalt not Covet. He covet de hospital money and tek it like if was he own. He in de arms of de Feds waiting fuh he day when dem gun ask he fuh pay back.
But de man ain’t got two cents to see two bugs wine suh only he know how he gun pay.
Is only in Guyana dem woulda get off because in this country, de more you thief and you lie is de better you deh. In fact you does get promotion.
Well in de New Year all of dem who been enjoying life doing wrang things think that dem gun get ketch in Uncle Sam. Dem know that Uncle Sam waiting pun dem and that is why dem put off travelling. Dem even refuse to accompany De Donald when he mek de official visit to meet Barack.
Talk half and hope that dem who do wrang things get pull in.
Nov 15, 2018On Sunday last, Head of the IKD 9th Dan Shuseki Shihan Frank Woon-a-Tai, 8th Dan Shihan Maureen Woon-a-Tai (IKD Vice-Chief Instructor) and 8th Dan Shihan Bernice Hughes, assisted by Amir Khouri 7th...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]