Corruption eats away at the foundation of people’s faith in government and undermines national security. The great Mahatma Gandhi seh suh.
Transparency International been watching Guyana fuh a long time and dem was reading de Waterfalls paper. When dem put out de report on how deep corruption is in Guyana dem didn’t shock anybody. And de government nah know that. De smallest child know that corruption rampant and will remain suh fuh a very long time.
This is because of de snake that sat at de helm. He lay de foundation fuh all this dishonesty tekking place in this land.
Dem same organization report how Guyana is more corrupt than all dem country that surround a-wee. This anger de Bees, especially de King Bee and all he kavakamites. Dem put out statement; statement come from every corner of dem dutty mouth.
One of dem even challenge de report, but Rob Earth was de best. He decide fuh bluff. He call de people fuh come and wuk wid he in de bush. But dem boys want warn dem people. He love to call bluff. He name should change to Bluffy.
When he was a Minister in a different Ministry he invite Chris de Ram fuh do a audit at de US$12.5 million packaging plant wha cost US$2 million.
When Chris de Ram tun up he tell de man how he is not de authority to authorize any audit.
When de Waterfalls paper question dem fake contract wha Bee Kay get, he Rob Earth call another bluff. He seh that he willing fuh carry all dem reporter fuh see de wuk, but dem got to meet 5 o’clock in de morning at he office.
Everybody tun up and he carry dem to Parika way down in a back dam. Then he lef dem and run away. Then he tun and tell de drivers fuh lef dem. To this day nobody know wha happen to that US$15 million contract.
Now you guess wha Rob Earth gun do wid dem people wha he invite fuh go peep corruption in de bush. Dem boys seh that if he don’t hang dem he gun give dem poison and lef dem fuh …..
Talk half and wait fuh another bluff.
Jul 05, 2022Milo Secondary Schools Football Tournament… Over cast conditions with warm sunshine piercing through those clouds allowed the Petra Organisation’s Milo Secondary Schools Football to contest two...
Kaieteur News – I’m not sure I am good at satire though I have tried a few pieces on this page over the years and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]