A house fall down in Berbice and a young male nurse been inside de house. A beam squeeze he and he end up in hospital. When he wake up dem boys ask he how de house fall down. He tell dem that he father was raising it and that de old man hire a contractor.
De contractor was Fip, who never build even a dog pen. Raising a house is a technical thing, suh when Fip tek de wuk without experience it had to fall. But people seh that if Fip coulda raise US$16 million from de Bees, he could raise a house that worth five million Guyana dollars or couple thousand US dollars.
He is not de only one who mekking things fall. De elements mek rain fall. One night rain mek all dem contractors who do drainage and road building look stupid. It expose dem.
Dem tek money from de treasury fuh dig dem drain but is a case of money gone down de drain. One night rain and all dem drain flood. When people check all ah dem block up. People really want to know wha really happen when dem contractors claim that dem was doing drainage wuk.
Perhaps dem was wukking wid dem road contractor. As fast as de road contractor dig up de road dem drain contractor tek that stuff and throw it in de drain. De whole exercise was a cover-up but de rain expose dem. That is how Rob Earth and Leslie like to see people wuk. It mean more money fuh de Bees, wid de bulk going to de King Bee.
Is people like dem mek everybody believe that Guyana is a dry weather country.
Meanwhile de same rain reminding people that Guyana is a big washing machine. It got de Marriott washing on de shore, de Amaila without water (that is dry cleaning), de airport run-a-way project is a Chinee washing machine, and of course, de land distribution project.
Talk half and hope a big rain don’t fall again.
Oct 22, 2018The 2018 IBF Antilles 3×3 Under-18 basketball tournament concluded at the Cliff Anderson Sports Hall (CASH) last night where double defending champions, Martinique, were usurped by the lads from...
I have long argued that PPP leaders will never apologize for any depravity done while that party was in power from 1957... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]