Latest update April 18th, 2024 12:59 AM
Nov 12, 2012 Dem Boys Seh, Features / Columnists, News
When people eye big, marabunta does fly inside. That is wha old people always seh and dem old people know bout marabunta.
Some people got money and dem eye suh big that dem see more money. Not that it is a bad thing because people wid money does build big shopping complex instead of small shop.
These big eye people decide that dem gun go for airplane. Was a good decision because people get a chance fuh travel, even if was to Trinidad.
De plane would wuk but once you eye big, it don’t get small. Somebody decide fuh chase more money. Now dem boys seh that de Feds chasing he.
Guyana is gool and if he got sense he would come home. Of course he got to travel backtrack but once he get here, dem Feds can’t touch he. But he might got to hide some more because dem have some people who must have put money in de plane and now dem lose that money.
But dem boys sorry fuh de people who was earning a living. Now dem out of a job. Hen See hen and Geenah did holler how de opposition put dem pun de breadline. Wonder wha dem gun seh bout dem boys who now got people pun de same breadline.
And talking bout breadline, dem boys seh that Christmas coming and people does get bonus. De Hard Times newspaper didn’t sell whole year suh dem boys want to know how de staff gun get any bonus.
Dem mightn’t even get a salary but again, nobody ain’t talking.
Everybody know dat de Chronicle ain’t pay bonus fuh more than ten years. Of course, last year de management tek shame out of dem eye and pay de staff $2,000 fuh good behaviour. Fuh sure, Bobby can afford that. Only thing he can’t call it bonus.
He trying fuh sell paper by putting Uncle Adam and Uncle Glenn photo in he paper every day. It might wuk if he change de photos. That is wha dem boys seh.
Talk half and pray fuh Sonny.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]