Latest update April 25th, 2024 12:59 AM
Oct 12, 2012 Dem Boys Seh, Features / Columnists, News
De other day de opposition move a motion of no-confidence against Clement. Dem tell Uncle Donald fuh move de man because he incompetent. That is de same man who tell de world that he gun kick ass. Well dem boys seh that he getting he ass kick.
De police guh fuh restore order and people dead. Three dead in Linden and de people blame Clement. Then de police go in Agricola and another youth dead. Clement come under fire. De people blame he because dem claim how he tek over de police force and he can’t control de police.
Clement try fuh explain that he didn’t talk to de police and that dem do dem own thing. But de police chief seh that Clement tek over de junior ranks. De spit ain’t even dry and another young man dead when police chasing other people. Well that shoulda nail Clement coffin. But de Lunch Man seh that Clement is one of de best Ministers and that de government ain’t gun tek any pushing fuh get rid of Clement.
Then de man sing ‘We shall not be moved’. Well de people get suh vex that dem act. Dem seh that he sing because he been far from dem. Dem intend to stage a fiery concert and bring he fuh sing that he shall not be moved while dem put fire to he foot. Dem find more tyres than people believe de country import and was fire like next time. De same people who cuss de police suddenly call pun de police fuh help dem go home because dem couldn’t pass de fire.
And all this time Clement out of de country. One man claim how he see Clement at de Miami airport, smiling, because he was following de story pun he BlackBerry. But while he smiling Prakash and Nigel and David planning fuh he.
Dem seh that as far as dem concern is just like if he live in Miami. Nigel seh that he useless, but de Lunch Man seh that he is one of de best. Well dem boys seh that de Agricola people gun show de Lunch Man and all of dem who supporting Clement.
Talk half and watch Clement sweat.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]