Latest update April 18th, 2024 12:59 AM
Aug 03, 2012 Dem Boys Seh, Features / Columnists, News
Dem boys always know dat faces and names of people can sometimes be confusing to the human brains and eyes. In odder words, looks can be deceiving.
Case in point. One family went to a funeral parlour and identify, bathe, dress and cremate a man wha dem certain look like dem dead relative. Was nah one or two ah dem go at de parlour. According to the parlour man, dem couldn’t fit inside the room one time. It was like ten ah dem been and dem still bring out de wrong man. Dem boys seh is de haffa freezer wha change up de man face, and is dat wha cause all de confusion.
Dat was de face…now fuh de name.
Well dem shoulda walk wid he ID card cause dat and all confuse de parlour man. One dead name See Persaud and de other one name Harry Persaud.
Dem Boys Seh is deh wheh de real mix-up come. See Persaud family didn’t see see Persaud, so dem bun who dem see, Harry. Harry family vex.
Dem prappa cry over de wrang dead. Dem only find out de mistake when Harry family come.
See Persaud family tun and tell dem that since de mistake done happen, if Harry family can cry over See Persaud, since dem done cry over Harry.
Harry family refuse, dem seh dem ent deh pun cryin over nobody else dead.
Dey vex suh till dem ent even wan share dem Ghee and camphor and agarbatti.
Well dem boys seh if yuh think dat is confusion, wait a li’l bit more. Much, much more gun come to light, wha’ hideway in de dark.
Wait till Bharrat Ramroop ask Babbie Jagdeo fuh all de tiefin’ money, gold and properties wha dem put in Babbie name fuh keep as a front. People ain’t only gun hear or see confusion, dem gun smell it through the fire, when somebody gun bun somebody alive. And it gun be all because of greed.
Talk half and bun de odder half!
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]