Latest update April 25th, 2024 12:59 AM
Aug 02, 2012 Dem Boys Seh, Features / Columnists, News
When de fire in Regent Street out one man who lose he store talk hard how dem thief till dem thief out de fire hydrant money. Dem boys didn’t understand, suh de man explain that when de Waterfalls paper start fuh talk ‘bout how Dr Rat got friends who does thief anything wha does move and wha don’t move people claim how de paper want destabilise de government.
De man seh that Irfaat responsible fuh de fire hydrants, but he never spend de money that he collect from parliament fuh put dem hydrants. And when de year done de money gone and no hydrant. Not one deh in de city and that is an abomination.
De Rat heself know de situation and when dem reporters did ask he bout dem same hydrant he tell dem that he gun fix de situation within a year. That was three years ago. He only talk and that is why de man seh that he in de thick of things. He encourage de thiefing and dem boys believe that he too was involve.
He run and talk ‘bout money fuh build hotel fuh more money than a proper bridge across de Demerara River gun cost, and de bridge more important. He doing airport but he can’t buy fire hydrant fuh protect all dem business place in de city. Dem people who get bun out plan fuh go and protest outside he house. And when he come out fuh find out wha happen dem gun deal wid he.
Dem boys seh that dem same people gun mek all of dem run out de country without dem shorts because dem was sitting too comfortable. Is nuff of dem got to run. Irfaat, Brazzy and dem other Bees and Shaatie. And when dem run, dem gun lef everything. At least de people of this country gun get back something.
Is a pity that dem don’t have a law fuh mek people walk round wid a sign round dem neck. You decide wha de sign must read, but it must have de word ‘thief’.
Talk half. Lef half.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]