Latest update April 25th, 2024 12:59 AM
Jul 27, 2012 Dem Boys Seh, Features / Columnists, News
Luncheon vex. He is de boss fuh nuff of dem but he didn’t know that Bar Rat didn’t got he as de favourite. Bar Rat end up paying people more than he pay Luncheon. And this thing was a big secret because when de Parliament first ask ‘bout how much money some of de advisers to de president does get, dem tell de parliament that Gail use to get $800,000 a month.
And dem do that because dem know that Luncheon use to get li’l more than $800,000. De news buss out that Gail getting $900,000 and Luncheon only getting $800,000. Imagine de worker getting more money than de boss. Suh Luncheon get vex.
He decide that he quitting. When Uncle Donald hear he tell Luncheon that he shouldn’t get hasty, that he gun get two house lot at de new Pradoville. Luncheon seh that he got to think about it. But de Ministers vex. Dem want know how dem advisor getting more than a Minister. One man seh that is better he tek advisor wuk because he gun get four times de salary he getting now.
But people still doubting Shaatie and he list. De first list had some figures that sound more real and when he de Shaatie realize what he was letting out de bag, he claim how de list wrang. He then produce a second list wheh de figures more small. Some Minister seh that dem ain’t stupid, that Shaatie can’t fool dem. Dem doubt de new list and all of dem now want lef de wuk to tun advisor or wuk wid Rob Earth.
Dem boys seh that is only one man who refuse de advisor wuk fuh tek Minister pay and that is Rob Earth. He done decide that he know how fuh get ten times wha dem advisor does get if he tek over a Ministry. At de agri ministry all he had to do was dig couple drain. Now, he can sell couple claim, or rent dem. He is de smartest Minister.
But when all is said and done Papa Cheddi tunning in he grave. He was de one who fight super salary.
Talk half and tun advisor fuh de other half.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]