Ohh Pee in a bad way. It need a complete overhaul. A foreign diplomat visit de place and he seh that he get a shock fuh know that that is de headquarters of the President.
De welcome mat stink from de looks alone. When he watch de walls he want to know why de Donald didn’t do something before he move in. De paint look like if li’l pickney put dem hand in all kind of nastiness and then wipe dem hand pun it.
De place smell like a rat hole and de man want to know how much rat been living inside. De president room was no different. De man seh that he been in de White House and he frighten fuh touch anything because de place spic and span.
He seh that he did frighten fuh touch anything in Ohh Pee but fuh a different reason. He frighten he get some disease that medicine couldn’t cure.
He talk bout de police force too. He seh that de whole world know that de force rotten from de top long before this commissioner just like how de government rotten from de top under de Bar Rat.
Dem boys seh that when Bruh Mill call pun all de corrupt police fuh tun in dem badge by last week Monday he didn’t get any. Some senior officer went and tell he that dem gun tun over a new leaf instead of tun over dem badge.
De set wha tek de $360,000 and release de man wid de sub machine gun and drugs tell dem boys that dem mek a mistake wid de date fuh hand in dem badge. Dem think was tomorrow Monday suh dem was hoping fuh do a last haul (clean up). But dem get ketch and dem might end up tunning over pun dem belly in prison. That is wha dem boys seh.
Dem boys also seh that Jagdeo was mekking a cleanup wid de $20 million airport wha he seh cost $150 million and de hotel before he lef de office suh dem police was following in he footsteps wid dem last haul.
Talk half and clean up de other half.
Feb 17, 2020Two months after she snatched gold at the Caribbean Championships in Trinidad and Tobago, Caribbean champion junior boxer, Alesha Jackman, will have her second overseas engagement. This weekend, the...
The incident described below is the kind of thing the media should report on. But there are so many open secrets in politics... more
Guyanese will have to settle for a salt and rice dinner while the oil companies enjoy a four-course meal, compliments of... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]