Is only a guilty conscience does mek a chore try fuh paint heself a rosy face. Dem boys seh that everybody does advertise. Advertising is fuh business, ask Courts and Singer, Digicel and GT&T, Banks DIH and DDL. Some woman does advertise dem body and some man does hustle fuh advertise dem face.
Dem Chinee wid dem thiefing contract try fuh save dem face when de people accuse dem of fraud. Dem run and tek out full page advertisement de newspapers.
Everybody watching dem and dem kakishness suh dem run to get de ad to paint a rosy picture of dem dutty face.
De next man who try fuh do that is not a Chinee. He is a Guyanese kantractor. He is a good friend of Babbie Jagdeo and Bharrat Ramroop. He tek out two full page ad fuh show how he contributing to Guyana. He guh to all dem paper. De Waterfalls paper refuse to tek it.
This man paint a rosy picture of he face. Dem boys seh that he miss de makeup artist because he face look de same way if not more dutty. None body ain’t buy nutten wha he seh, not even Sattaur because he see de tax wha this man company pay.
This is de same company wha collect hundreds of millions and yet a stelling can’t even accommodate a kakabelly fish much less de fishing boat. A matter of fact dem boys seh that de door fall overboard last night. Look out fuh de big news today.
De Chinee and de Guyanese realize that dem in deep doo doo. Dem does get de biggest projects in this country. Dem use to control all de big kickbacks through Ali Baba and he 40 chores. Ali Baba gone and another Baba tek over but he still got de 40 chores behind him.
Dem boys seh that is Ali Baba tell dem fuh put de ads in de paper fuh convince de new Baba how dem good and decent. But de new Baba know different. And he know that is Ali Baba tell dem fuh do that.
He know de same Ali Baba gun tell Babbie Jagdeo fuh print a whole newspaper wid ads talking nice things about he and Bharrat Ramroop and de 40 chores of their achievement throughout de tenure.
But no ads, whether in de newspaper, radio, TV, internet or by flyers can remove de stench wha dem spread throughout de length and breadth of this country—in all de departments. That is wha dem boys seh.
Talk half and advertise fuh de rest.
Jan 19, 2020Mavindra Dindyal struck a fine half century to put Georgetown Cricket Club (GCC) in a comfortable position at the close of play on the opening day of the Georgetown Cricket Association/ Noble House...
There are times you can forgive rulers for their obdurate refusal in not wanting to learn from history because of the nature... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]