Latest update April 20th, 2024 12:59 AM
Jul 08, 2012 Dem Boys Seh, Features / Columnists, News
Nutten should surprise this nation no more. Private hotel a shut down or sell out but de government tekking US$60M taxpayer dollars fuh build a US$20M Marriott.
Dem renting US$900,000 generator fuh US$720,000 a year. Now dem want indebt de very taxpayer US$800M fuh give everybody hydro seed when the thing can only cost US$300M.
Suh people mustn’t be surprised if dem hear Benn seh that he putting up a skyscraper suh high that plane got to fly round it. When dem boys ask he bout de airport project he tell dem that de Chinee do a study and that he and he engineer dem do a li’l one too and after intense negotiations, back wid he engineers and de Chinee contractors he satisfy wid de price and he grab de deal and sign it.
Pun top of that he tell de nation that de law provide fuh sole tendering. Dem boys want tell him that he shoulda do sole tendering fuh Ketaconazole cream and all dem drugs wha dem buy fuh de hospital. He woulda pay $80 fuh a tube instead of $2,000 from a supplier. Nobody in this country can do a study fuh any airport, not Benn, Twist up or Bruck up. Benn can’t even do a study fuh he old age rocking chair. He couldn’t do one fuh de Supenaam stelling wha he and Bay Kay do. That stelling brucking down all de time.
Dem boys gone back to de deal wha he seh he sign. Dem boys want tell he fuh guh to Uncle Eddie Home and tell dem old people how he sign deal. Everybody else including dem boys know that he couldn’t sign fuh a bicycle without de approval of Bharrat Jagdeo. Not even he own pay cheque he coulda sign and he want people believe that he is some big boy and he sign airport deal. He really want mek himself important or feel important when he tell people that.
Dem boys want tell he and Jagdeo some things but this is not de forum. Maybe dem boys gun meet dem two pun de road.
Dem boys notice that throughout de deal Jagdeo keep he mouth shut because was he going out package. This airport deal too big fuh dem to lose. Dem don’t care if Donald got to go pun he belly dem got to see this deal through, even if dem got to sell dem Mooma.
Talk half and tek back dem millions.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 20, 2024
– Elton Dharry and Dexter Marques to headline tonight’s card Kaieteur Sports – The Everest Cricket Club pavilion crackled with tension yesterday as the Guyana Boxing Board hosted its...Kaieteur News – Once a habit has been drilled into you, it returns almost automatically when you return to the setting... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]