Latest update April 23rd, 2024 12:59 AM
Jun 23, 2012 Dem Boys Seh, Features / Columnists, News
Believe it or not, Bobby file another lawsuit against de Waterfalls paper. This time he claiming only $100,000. Dem boys seh that he run out of dem nought. By de time he done file lawsuit he gun ask fuh one dollar and even then he gun got to worry if dem got any nought lef fuh mek a dollar.
But de Waterfalls boss man seh that he talk too much fuh shut up now and since he, Bobby, targeting Uncle Adam, he got to realize that Uncle Adam too old and he forget how fuh shut he mouth. Suh poor Bobby gun got to bring wedding suit.
But while he looking fuh bring suit he got to prepare fuh tek de pumpkin jumpsuit. And talking bout suit, dem boys notice that Leslie get in de act and he might get a suit too. He run fuh defend Bobby and put he mouth wheh he shoulda put he foot.
He get like dem prison warden who get ketch wid de ganja in de jail. Dem suppose fuh keep de drug out of de jail but dem bring it in and now dem got to share de same cell wid de people dem suppose to guard.
Now dem got to wonder if de prisoner gun holler pun dem or even beat dem like how dem use to beat dem same prisoner. Dem just like de people in de government who thief de money from de airport project. Thiefing is against de law and dem is de people who breaking de law. Dem gun end up in jail.
How dem can put de airport project pun hold and still deh wukking pun it? Somebody get pay fuh mek sure de project continue and that is wheh de trouble deh. De contractor got to keep a secret because China does execute all dem who get involve in bribery. But dem Guyanese people gun talk because somebody gun feel that he get a wrong deal and he gun talk. And de Waterfalls paper gun be right there fuh report it.
Talk half and wait fuh de spill
LISTEN HOW JAGDEO WILL MAKE ALL GUYANESE RICH!!!
Apr 23, 2024
Kaieteur Sports – Over the weekend, the prestigious Lusignan Golf Club played host to the highly anticipated AMCHAM Golf Tournament, drawing golf enthusiasts and professionals alike from across...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]