Guyana gun spend US$150 million pun an airport but nobody ain’t explain how that gun benefit Guyana, how it gun pay for itself. If this thing was so clean why dem do de signing in secret? Jagdeo didn’t give no notice of de job much less de contract.
Dem had to have kickback. Dem boys want fuh know how he enter into de airport venture and why he sign de contract. He don’t care how Guyana gun pay back. All he care bout is de kickback.
Dem boys talk bout de kickback and de pressure mek de Chinee put de ad in de newspaper. De ad seh how dem bid a US$100 million airport in Sudan. Dem build another US$100 million in Myanmar and dem build another in Chep Lap Kok in China. Dem nah seh how much money dem build that one for.
That one probably build fuh US$20 million because den can’t give or tek kickback. But fuh sure de kickback had to be big wid de other two. Dem boys wasn’t wrong when dem seh that US$50 million gone in somebody pocket. Dem build two fuh US$100 million apiece. How Guyana own meet US$150? Brazzy and de Shaatie and de Rat like fuh tell people how dem know jumbie mathematics. Well dem boys want ask dem fuh answer that question.
Dem scampish contractor never mention in de ad if dem ever build one airport in a developed country—Europe, England, America or Canada. Dem boys seh that dem can’t corrupt nobody there, but dem going after all dem poor nations wid weak governments. Dem done lock down Guyana and lock off some of de leaders. Ask de Rat.
Dem fund de project, give de kickbacks to you know who, dem boys nah got fuh call name–and mek de people, dem pickney and dem grandpickney bear de burden fuh pay back that money. That is wha dem boys seh.
De good thing is that some big ones in Uncle Sam done announce that he got jail space fuh dem big ones who busy thiefing. He done got dem suit size and he got transportation from any country outside Guyana.
Talk half and find out wheh de US$100 going.
Oct 01, 2022Kaieteur News – Exactly one week ago, the Guyana Chess Federation showcased chess to members of the public at the Giftland Mall, located at Turkeyen. The highlight of the day was the...
Kaieteur News – If Barack Obama had run against Bernie Sanders, I would have voted for Sanders. If Kamala Harris seeks... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]