Latest update April 19th, 2024 12:59 AM
Jun 14, 2012 Dem Boys Seh, Features / Columnists, News
When people throw brick ah hog pen de one that holler ah de one wha get knock. One Bobby holler and file lawsuit. Bobby Marley did sing who de cap fit let dem wear it and another Bobby decide fuh wear it. Dem boys wid de help of de Creator and big Uncle Sam gun mek sure he nah only wear de cap alone. He guh also wear de pumpkin jumpsuit.
Dem boy nah frighten suit. Dem never wear one, dem never plan fuh wear one, except fuh a track suit and Bobby socks. But dem boys hope and pray to de Creator that dem nah get a lawsuit fuh wearing Bobby socks.
One Bobby claim that de Waterfalls paper want bring down de Hard Times paper wha nobody does read. Dem boys want ask he if de paper ever been up anyway that anybody would want to bring am down.
Is nuff thing coming to light now and is not dem boys saying suh. Is people talking. Dem talk how Hen See Hen got a bunch of thief, till one big one admit banking de people money in he account.
Dem got wholesale thief at de sugar place, one li’l one deh in custody. De big ones name gun call soon. National Park got another set of thief. Two get send home. Dem boys want fuh know where else we gun hear about tomorrow? Is it at de radio station? Dem boys hear that de station a mek two million dollar a day. Well if dem a mek suh much how much gone from deh?
Somebody talk quick leh dem boys hear. Dem people got to talk before a judge shut dem boys up.
Remember dem boys talk ‘bout how Jagdeo friend sell some li’l, li’l tube medicine fuh six times de retail value to de government. If government tek money and give dem friends in that manner people mustn’t talk, or else dem does get lawsuit. In fact nobody must talk. If Bobby and he kava-ka-mites dem really believe that lawsuit gun shut dem boys up dem better think again.
Uncle Donald done whisper that he gun join in and talk fuh rain, he gun talk fuh sun. He gun talk fuh everything and everybody.
Talk half and wait fuh another lawsuit.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]