When de government raise dem security guard pay all dem private security people get vex. Nuff of dem use to rob dem old people because is dem who is security guard—people who can’t sleep when de night come suh dem decide to do something to ketch dem hand.
Dem got dem women who ain’t got husband and who got children to mind. Dem does tun security guard too. Long ago dem was watchman because dem job was to watch out fuh thieves and when dem see de thief dem was suppose to holler and mek nuff noise.
These days is bandits does come and dem guard suppose to confront dem, when even de police don’t tek chance. Anyhow, de government decide fuh raise dem pay and de guard service vex. Some of dem use to pay dem people $800 a day and tek out money when de people late. But de guard service use to collect nuff money from de client. De owners use to get rich.
Dem boys seh that if de guard service want to still mek money, dem got to knock off some of dem guard and let de big ones go out and do de wuk demself. But Uncle Donald seh that he was waiting fuh dem because he see how dem was taking advantage of dem old people.
De guards smiling. But dem boys watching, because de guard service gun want pay de old rate and tell dem old people fuh keep dem mouth shut because dem gun get knock off. De court waiting fuh dem.
And dem boys seh that dem waiting fuh de farewell parade fuh Henry de Yellow. De man lef de wuk long now and it look like if de police force done wid he just suh. De man got to get driving round de Eve Leary compound and he got to mek a speech.
If that ain’t happen he gun be de fuss retiring commissioner who ain’t get a parade.
Talk half and watch fuh de other half.
Jan 21, 2019President of the Guyana Football Federation (GFF) Wayne Forde challenged participants of the Concacaf facilitated two-day Club Marketing Workshop, which c oncluded yesterday, to strive to implement...
The Police Commissioner told a press conference that Charrandass Persaud is being investigated for bribery and if possible... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]