Life in Guyana is like de wrestling people does see pun TV. It does look like real but nobody don’t get hurt. People does get some knock and don’t get a single bruise. Sometimes to mek things look li’l real dem does get some paint that look like blood.
Well de opposition cut de budget and de government just like dem wrestlers decide that de cut hurt when it don’t even hurt.
De noise that dem mek bout people losing job and going pun de breadline ain’t even ring a bell except to those who believe wha dem hearing just like dem have people who does believe that wrestling is real.
Dem boys seh that nuff people opening baker shop because de government promise that people gun get pun de breadline. And is nuff people so dem gun need nuff bread.
But something strange happen. All dem people who was protesting bout bread and who been crying stop. Dem tek a break fuh de weekend. That mean that dem troubles don’t affect people at weekend, only when dem have people pun de streets and when dem have attention. Once people not looking or dem not on de road de protest done
Uncle Donald go pun de TV and he talk and when he done David go pun TV. People get confused. Now everybody tek a step back and planning a strategy.
Dem planning to cut all dem parliamentarians pay and put dem pun de real breadline. In fact, de people shoulda go wheh all de parliamentarians live if dem got a problem wid de parliament decision. Dem did do de same when dem did vex wid Surujbally.
But talk fuh rain and talk fuh sun; some of de things had to get cut because de government did cut Sharma and dem did cut de ads from de private newspaper. Stabroek News did protest but dem other private media didn’t even bat an eye. That is why de same private media ain’t tek on dem who hollering from Geena and Hen See Hen.
But nutten ain’t gun happen to dem people. De government still got money fuh dem operate de blog and every wortlessness that Geena does do. Dem boys seh watch how de same people gun smile next week.
Talk half and watch de smile fuh de next half.
Feb 17, 2019It was a quiet afternoon at the Georgetown club on yesterday afternoon as quarter-finals for the plates were played. First up were Ian Mekdeci (5) and Lydia Fraser (10). Fraser started off in good...
I didn’t use “reason” in the plural deliberately. There is one fundamental cultural, sociological and psychological... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]