Latest update April 13th, 2026 12:59 AM
Latest News
- Canadian firm to earn over US$30B from US$3B buyout of two Canadian gold companies in Guyana
- Trump orders Hormuz blockade after US-Iran peace talks end
- Opposition Leader demands full transparency on Wales gas project
- Labourer dead, cop injured in Enmore smash-up
- Man critical after gas explosion at East Ruimveldt home
Dem boys seh…Waterfalls paper give Jagdeo blood pressure
People don’t know Uncle Donald. He can bruck up any coo coo party. After de elections people believe that de opposition woulda run parliament. Dem didn’t understand that Uncle Donald would cut a deal wid de devil if he got to.
He cut a deal wid de AFC when dem had to vote pun de Supplementary vote. Grinnidge decide that he party gun challenge de money wha spend. When was time to vote he find out that AFC didn’t support he suh de government win.
Now is de budget time and Ramjattan decide that he gun cut out some of de money. He didn’t bargain fuh Uncle Donald. De Donald cut a deal wid APNU suh when Ramjattan vote fuh de cut he lef expose. Dem boys seh that Uncle Donald prepare to bruck up de opposition majority.
But some people vex. Dem people in Linden want know wha happen wid dem and de electricity. Dem protest fuh cut de amount of money dem got to pay in light bill, but Sam announce that dem got to pay it and Uncle Granger cut a deal wid Uncle Donald fuh mek dem Linden people pay. Right away, Uncle Granger holler like pig, “not me.”
Well if is not he, is who? That is wha dem boys want to know. But one thing is fuh sure. All dem extra money wha dem use to put in de budget done hide. Imagine is only one contractor bid fuh a contract when in de past dem didn’t have space fuh write all of dem name.
People now seh that de Waterfalls paper deserve a national award fuh de scrutiny it put pun all dem big ones. De only thing is that this government ain’t gun even dream of giving de Waterfalls paper anything but bad name.
Was de Waterfalls paper mek people know all who thiefing and who tek de money and build fancy house. Was de same Waterfalls paper who check all de cock wuk wha dem contractor do and force dem to give proper work.
Was de same Waterfalls paper mek Brazzy lef de wuk, mek de Bees dig a hole and hiding in de ground and mek de Rat get high blood pressure. De paper really deserve an award and dem boys seh that dem gun print dem own award just like how Jagdeo get people fuh print a certificate that he is a doctor.
Talk half and praise de Waterfalls paper.
Share this:
Discover more from Kaieteur News
Subscribe to get the latest posts sent to your email.