Latest update April 25th, 2024 12:59 AM
Apr 01, 2012 Dem Boys Seh, Features / Columnists, News
Eye pass gun never done but all eye pass got an end. Tek de one at Customs. He mek Clarence Chue lost he wuk and today he get send home and might even get charge fuh sexually truck up people girl children.
Is de same thing wha Henry de Yellow did doing all de time. He truck up all dem people girl children in de police force. Look how he end he career–in shame and embarrassment. He don’t even walk pun de road because of how he shame.
Dem got de other one, de Rat who tun Bad Jenny. He truck up de whole country. He own half of de country and dem boys plan to show that very soon. He come out de office but he plan this budget before. When Shaatie talk Friday was sheer Rat he talking.
Half de money in this year budget is to finish dem scampish project from last year. It gun cover up de Rat and all dem Bees skullduggery.
Dem boys seh that this can’t be Uncle Donald budget. Uncle Donald is a man who care bout people and who don’t thief. He got fuh stop sleep, open he eye, and watch this budget. He sorry he tek de wuk.
Dem boys want help he. One man seh that he gun prosecute all dem thieves fuh free. In short de whole country want fuh help he but he got to step up and step out to get help.
Tek de GPL intellectual banditry. Dem does collect billions when de month come. Dem is one of de biggest revenue collector in de country. But yet dem does claim that they don’t have money.
Imagine dem can rent a generator wha cost US$900,000 and pay US$720,000 fuh one year. When de Waterfalls boss man hear that he ask dem if is a cake shop dem running. Dem get dumb. That is like renting a car fuh one year when you can put a li’l change more and buy de whole car.
Dem flimsy excuse from Brazzy, wid support from de Rat in de Cabinet, is that de generator ain’t good fuh buy; it only good fuh rent fuh a short time. Dem think dem a still picking a pepper. But guess what? Dem got 22 wha dem done buy and got in de system.
That is why dem real people at GPL could not answer dem question. And Brazzy had de nerve to call in sick.
Talk bout scampishness, Uncle Donald.
Talk half and rent de other half out.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]