Dem have a new way to remove tenants. Dem boys still remember that one of de Bees did tar he house because he did want a tenant to come out from a property he buy.
After he didn’t get through he tell de tenants that he sending painters. When de tenant reach home de whole place was full of tar. Even de glass windows. Dem people move out right away.
Now dem have a new way. A landlord beat a woman wid a spade, a hammer and a piece of wood. Dem boys seh that if she ain’t move out wid all dem lash is because she want guh to she grave.
APNU planning fuh move out some people from de state property. Dem seh that dem got fuh tek back de Santa complex from de Rat and he friend. Dem boys want tell APNU that dem got to add broom to de hammer, spade and wood. Dem gun use de hammer and wood fuh lash down de wall, de broom fuh sweep out de Rat and Bobby and de spade fuh dump dem.
Dem can’t dump dem in de gutter because de council gun get vex. Don’t mind one is a gutter rat. APNU got to walk wid dem straight to de dump site. De Rat and Bobby gun be at de bottom. Then dem gun put de Bees. Brazzy got fuh deh at de top wid he size fuh keep de rest of dem down.
Irfaat, Rob-Bert, Boyah, de Brians, and Gerry de Wanna Bee, gun be in that pile too. De juke laage and de building next to it is two more rat hole. Dem get thief too.
All of dem had to thief egg when dey was small. Fowl behind coulda never get a rest in dem days. When yuh thief egg yuh does thief till yuh dead. Old people seh when you thief li’l bit (you know wha dem boys mean) you got to watch yuh partner all de time. When yuh thief from old people, de deaf, de dumb and li’l children, sleep wid one eye open.
When yuh thief from poor people, sleep wid all two eye open and when yuh thief something like Kwame and keep am next to yuh fuh donkey years , keep faark stick fuh yuh eye.
Talk half. Watch fuh de next half.
Sep 25, 2020United States based 8 year-old Guyanese athlete Alpha Harrison has been duly rewarded for a splendid year on the track in 2019 by being named USA Track and Field / New York Under-8 Athlete of the...
I am a senior citizen chalking up more than 50 years of fighting for rights over wrongs and 32 years of being a media operative... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]