Latest update April 24th, 2024 12:59 AM
Feb 13, 2012 Dem Boys Seh, Features / Columnists, News
De Olympics is in London this year. Nuff people training and nuff of dem running. Bolt running and Powell running too. Jamaica also have a youth name Blake. He and all running. Dem boys know that nuff woman running and things like that fuh de Olympics.
Guyana got people who running too but dem boys ain’t sure of dem running fuh de Olympics. Dem had this senior Customs officer. He running from de police because he decide that he gun continue to mek a raise from dem importers.
De thing is that de importers suppose to pay a certain sum of money fuh bring in dem goods. De Customs people does cut a deal. Dem does tell de man fuh give dem a raise and then dem does adjust de charge suh that de people pay less. In de end, de importer save a piece, de Customs people mek a piece and Guyana lose a piece.
De man get ketch because he ask fuh too much and he boss hear. De man get a wink that he boss hear and he running. Dem boys hear that he run to Florida and he lef he resignation.
De biggest runner is Brazzy. He start running from de time de Waterfalls boss man tell he that he going to jail. He put on he track suit and because of he size he start wid walking. Now he running and dem boys wondering when he gun reach top speed.
Dem know that he ain’t got no property in Guyana suh he ain’t got to worry when he really reach top speed.
Another man ain’t running yet but he lying low. He like a man in de starters’ block waiting fuh de gun. De Auditor General already pelt a shot at he friend fuh collecting a whole heap of government money fuh pharmaceutical.
De thing is that de government does pay fuh de drugs and de man get to keep it because de excuse is that government ain’t got nowhere to store it. Then de same government does pay he fuh keep de drugs.
Is another set or runnings tekking place but all of dem gun run long before de Olympics.
Talk half. Lef half.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]