People does always crowd de court when a big one got to appear before a judge or a magistrate. Yesterday, Kwame prove that he is a big one because nuff people tun up at the Magistrates’ Court because at long last he get charge.
When Bar Rat been in de chair Kwame could do no wrong. Bar Rat use to cover he. He knock people, he cuss people, he do all kind of thing and he never get charge. In fact, de two thing that he appear in court for is things he do while Bar Rat was still in de chair.
When he appear in court he holler, “If de Big Rat been hay this coulda never happen to me.”
He got to behave heself. De court tell he suh. Dem boy seh that he walk in pompous wid a big lawyer. When he walk out he look like a mouse. Is now people gun torment he because dem know is jail he gun go if he only try anything.
But not only he worried and frighten. Bobby frighten too. People just drive past he office and he mek that a big news item. He even lie how people tek out photo. It got to be the person who tell he mek he get really frighten. Nobody didn’t even got time wid he.
Imagine that he had to send a cameraman till to de Waterfalls paper fuh get a photo of de car. He security camera and he security fail. That is wha dem boys seh.
But dem boys seh that Bobby worried that he get Sanata fuh less than de market value. He expect that de people gun tek it back. And since de Waterfalls paper focusing on all dem contract and dem deal, because dem just pass de place he think that dem was coming fuh put he out. He didn’t sleep whole night, only thinking about wha gun happen when de people tek back what is dem own.
Imagine Sanata is half of West Ruimveldt. Dem boys know wha is de price fuh a house lot in West and when dem do de Maths dem realize that Sanata was a giveaway.
Dem have nuff lands that give away too. Brazzy was de match maker. He pair off de land wid de new owner. He done decide that he leffing de country but dem boys waiting fuh he at all dem escape route. Dem plan fuh cork he up like when people block up all dem rat hole.
Talk half. Lef half.
Jan 20, 2020Former Club Captain, the veteran Patrick Prashad, pulled all the stops to edge out LGC President Aleem Hussain in their Championship (0-9) Flight, finishing tied in an exciting day of golf under fine...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]