Latest update April 24th, 2024 12:59 AM
Dec 10, 2011 Dem Boys Seh, Features / Columnists, News
Courts does give people early Christmas; Singers does give people early Christmas. In fact everybody does give early Christmas. Well dem APNU people give Surujbally an early Christmas.
Dem turn up at he house and start fuh sing and chant. Dem boys like when people come and sing at dem house but Steve complain how it ain’t right and how he vex. He coulda come out and sing and give de people a change. That is de Christmas spirit.
Dem boys seh that dem same people been by Gocool but he ain’t seh nutten. One man seh that he ain’t been home suh was a wasted Christmas treat.
And while that was happening dem boys was asking wheh Kwame deh. He ain’t get no Cabinet post; he ain’t even get mention.
But dem boys seh that all joke aside dem love de UN Secretary General. De man tell people that dem got to talk bout all who involve in corruption. Shame dem. That is wha de man seh.
Well dem boys seh that dem now understand why de Waterfalls boss man shame de Rat. Ban ki Moon seh suh.
And is a good thing he talk because De Donald tell de people how he and all got to stamp out corruption. Dem boys seh that Donald is a case of a man living in a house wid nuff bedbug. Dem nuff and dem biting all around. That is how some of he people thiefing de money. When he tun one way dem thiefing behind he back. When he tun on de spotlight dem does run in a hole. De Big Rat running but he lef nuff li’l rat behind he.
Dem boys seh that this time around De Donald got support from Ramjattan and Graynja and Moses. Dem gun tun on de extermination. Corruption gun done.
Talk half. Lef half.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]