Latest update May 7th, 2024 12:59 AM
Dec 09, 2011 Dem Boys Seh, Features / Columnists, News
Is nuff people had problems when dem lef de wuk. Ramson wake up de other morning and had problem. When he been in de wuk every time he guh to he office, from de time he enter de gate dem guard had to salute.
Dem salute he when he come in and when he lef. He wake up de other day and demand that he two watchman salute. Now dem poor watchman saluting every time Ramson guh to he window and look out or when he call.
Dem boys seh that dem old man tired. But if dem tired Brazzy sleepy. He can’t sleep. Ever since Donald tun president de man worried. Dem boys seh that he studying rope round he neck and sandbag round he belly.
De man deh at de centre of all dem deal wha de Big Rat mek. He was at de centre of de Santa (Christmas) deal; de land and property round de Santa (Christmas) deal, he deh; he was at de centre of de Boyah deal. In short he was de dealer and still de wheeler dealer.
And dem boys want fuh remind de Donald suh he can hang him high and lef him to dry.
Some of he friends got to go to jail and dem boys will not rest till that happen. De nation wouldn’t rest too. Dem tek too much and dem sick.
Dem boys seh that this wholesale scampishness and raping of de people thing go on fuh too lang.
Kwame and Rob Bert heading to jail too. Dem tekking practice about wha does guh on. When de day come Rob Bert does got to stand up pun Kwame shoulder fuh peep over at Agri Ministry. In jail people does stand up pun people shoulder fuh see outside.
Rob Bert not allowing Kwame fuh stand up pun he shoulder. Irfaat will follow or he might even guh before dem fuh prepare.
Rob Bert had he own deal. De canal was one big deal. De Parika Back dam project and de Bee Kay Den Amstel project that cost almost 10 million US dollars was another. Nutten ain’t do fuh show fuh de money. This nation still waiting fuh dem project. Dem boys never forget how he run way and lef dem reporter fuh walk out from de Parika Back dam. He never carry anybody fuh see de Den Amstel project. De jail waiting.
Talk half. Lef half.
GRA catch EXXON trying to hunch GUYANA over 11 BUS dollars in one shot!!!!
May 07, 2024
‘One Guyana’ Beach Football Championship Kaieteur Sports – Young Gunners males and Speightland ladies are Kings and Queens of the Sand One Guyana Beach Football Championship which concluded...Kaieteur News – The PPP/C’s congress was characterised by a glaring disconnect from the realities facing Guyana... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]