When things ain’t go right people does do analysis. Dem does sit down and think about wha went wrong. Now de ruling party didn’t do too good because dem get less vote than dem does normally get. All de big ones sit down and dem come up wid all kind of reason.
According to Rob-Bert all dem reason begin wid ‘A’ and that include Kwame.
But dem boys seh that dem didn’t look at de real reason. One reason is Bar Rat. He do everything fuh mek dem lose. He even cuss people who woulda vote fuh he. But dem boys seh that he do that fuh hide de fact that he collect wha was not he own. He even give away wha was not he own. People must get vex when somebody give way dem thing and dem didn’t have a say.
Dem boys seh that he give way Sanata to one of he friends. De people want tek it back and dem checking to see how dem can do that. One man tell dem boys all de people got to do is just tek it.
Brazzy mek dem lose too. He is de one who plan how fuh give way de people thing. He was de brain box. He draw up de scheme and he even decide how much money he woulda collect. He was de business man in de whole programme.
Irfaat mek dem suffer too. He share out house lot and he sell some. He know Pradoville was selling land but he keep that fuh he friends and dem big ones. When people find out dem get vex that is why nuff of dem didn’t vote.
Rob-Bert mek dem lose parliament too. He guh to Berbice and he tell dem people who getting attack by pirate that if dem find some money fuh protect demself he gun find de radio fuh give dem. Dem boys want fuh know if people got to pay fuh protection. De only time that does happen is when de Mafia involve.
Then he mek promise and he ain’t keep none. Dem boys seh that is why he couldn’t talk at no political meeting in Berbice. Not even de back pay and de sewing machine and de national awards help all of dem.
Dem boys seh that dem lef Donald in a boat and he got to try and paddle as best he could.
Talk half. Lef de rest fuh lata.
Jun 07, 2020The Guyana Cricket Board said in a release that they are expressing bewilderment on the omission of Veerasammy Permaul from the Windies upcoming tour of England. The release noted, “Permaul’s...
Jun 07, 2020
Jun 06, 2020
Jun 06, 2020
Jun 06, 2020
Jun 05, 2020
In my 50 years of struggle and 32 years in the media, I have been called nasty, vulgar, defaming things that I expected... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]