Latest update April 19th, 2024 12:59 AM
Dec 01, 2011 Dem Boys Seh, Features / Columnists, News
Georgetown was quiet ever since people had to vote. Dem business place and de whole of Georgetown get more quiet when de people done vote.
Some business places open and some shut. Dem wha open got de door half open and dem got some big wood fuh block it just in case. Dem boys can’t vex wid dem.
De police decide fuh patrol because dem boss, Henry de Yellow talk how he men ready fuh anything during de elections period. He seh that dem more ready than Ready Mix.
People nervous. Li’l boy bicycle nah got brakes, like Kwame and Odinga. One li’l boy deh in America Street and he decide fuh dig kicks. He throw two squib and holler gunshot and start fuh run. Dem boys seh was madness. Was shop door slamming and people running helter skelter.
De police hear de commotion and see people running and head to America Street. The li’l boy eye dem up, hide behind a drum and throw dem fire crackers. The police lef de vehicle and run. One of dem drop he AK. He stand up far and he see a li’l boy and he beg de li’l boy fuh guh back fuh de gun. Was de same li’l boy who create all de confusion in de first place.
De li’l boy still laughing. And when Henry de Yellow seh that he ranks ready fuh anything, he had to know was fuh run fast.
Dem did run and lef de jeep. Is near night that dem guh back fuh it.
De police run, dem Chinee might got to fly. And all got to do wid de elections result. Dem got a lot at stake in de country. Dem got a lot of investment to see through; dem corrupt nuff people—from top to bottom, including de Bees.
Dem got long face because de elections results is not wha dem expect. Dem should expect more. De Donald seh that he gun deal wid all dem corrupt ones and who corrupt dem.
And dem boys know that he mean wha he seh because he campaign slogan was ‘Working together for a Better Tomorrow.’
And when he jail dem others gun tek a hint. De jailing will be a message. That is how everybody gun get a better tomorrow.
Talk half. And hope de jail pick nuff of dem.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]