De Bible got a saying, “Ask and it shall be given.” Wha you ask for you does get. De PPP had a theme song, “Dem a watch we.” That is wha dem ask for. Now according to dem boys, de voters give dem wha dem ask for.
APNU and AFC will not only be watching dem but will be directing dem in parliament. Dem want blame de Waterfalls Boss man fuh that when is dem ask fuh that. Is nah de Waterfalls Boss man chase Moses and Khemraj from de party. Is de rat. And that is one of de thing wha mek dem lose de vote when dem really need it.
De other thing is that de people get fed up wid de wholesale robbing of Guyana. Dem thief land, dem thief water, dem thief property and money? Nuff Nuff money. Dem got de money in container.
Dem boys seh that when de whole country complain de Rat tun he face. He nevah seh one word. That is why de Donald ain’t get de fifty-one percent fuh run de place. Now he got hindrance and is one man cause that.
Now fuh de first time de PPP gun really got to talk to APNU and AFC in parliament. Dem boys glad. De whole country was hoping and praying fuh that. And dem was praying fuh that a long time. No more can they tek a bill, without grease and push it down people throat. Dem can’t even pass a coin without talking to each other.
That is wha dem boys seh that all de politicians need and dem believe that de Donald got de spirit fuh deal wid people.
He different from de big rat, dem other rats, Irfaat and Rob-Bert wid dem highhanded and big ass attitude. De pompousness done.
Talk fuh rain, talk fuh sun, de thiefingness done. And dem boys just find out at the end of this column that TUF want a recount too. Dem can’t understand why dem get less votes than spoilt votes.
Talk half. Lef half.
Oct 28, 2021Kaieteur News – Gary Ragnauth hit an attractive 64 to spur Caribbean Sports Club to comfortable 30-run win over Sunrisers last Sunday at Cullen Beach where action continued in the inaugural...
Kaieteur News -I thought that David Granger was strategising by not announcing his candidacy then doing it at the last moment.... more
By Sir Ronald Sanders Kaieteur News – It is nothing short of shocking to learn that, despite the fact that the world... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]