Latest update April 19th, 2024 12:59 AM
Nov 11, 2011 Dem Boys Seh, Features / Columnists, News
Dem boys seh that just like how dem have a today, dem have a tomorrow. Only thing is that nobody don’t know wha’ gun happen tomorrow. People does plan, but sometimes even de best of plan don’t wuk. Tomorrow is uncertain.
Bar Rat going out. Dem boys seh that he wouldn’t die in office like Burnham and Cheddi. Even Janet coulda die in office but she give Bar Rat de break. He leffing office and is not like he gun be in Parliament. That is wha worrying he.
Dem boys seh that he gun find heself tunning up at other people function and think he is still president. He gun get pelt. Some of dem same contractors gun pelt he because Donald done seh that he gun review dem contract and jail some of dem. He ain’t happy wid all this talk about corruption and overpriced contracts.
Dem boys seh that Donald recently learn that some of dem who call demself contractors is really rotators. Dem a rotate de money back to dem big ones. And dem boys got heavydence. And nuff too.
De Donald, Granger, and Ramjattan tell dem boys that dem gun reverse wha Bar Rat put in place. Everybody gun get de opportunity to see all de bid documents wid de cost and pessy-fication, fuh free.
And dem also seh that dem gun mek Hughes Senior Counsel just to show Bar Rat that he was a good fuh nutten and a piece of pyah pyah. And dem know that he spiteful too. He spite Yesu, a Caribbean icon. Dem boys gun show de world how he spiteful.
Dem boys gun give Yesu Guyana highest award, and invite Bar Rat to witness de award ceremony. Everybody gun watch he face and he gun sit down and sing, “Dem a watch me.”
But according to dem boys, dem plan fuh watch he till Doomsday, meaning mawnin, noon, and nite, because old people have a saying ‘When daag accustom sucking egg, he can’t stap.’ Bar Rat, Brazzy, Bobby, de Brains, Boyah and de rest of de clique know that well.
Talk half until we talk de rest.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]