When people cussing everybody know that dem don’t hold back. Old people does always seh that cuss ain’t got back door. For example, dem boys remember de time when a Black man watch an Indian man and holler, “hey yuh coolie crab.”
The Indian man watch he and reply, “Yes yuh Black dog.” A Dougla man standing up nearby seh that he must be a crab dog.
When a certain man cuss de media de other night he call dem reporters carrion crow and vultures. Dem boys seh that he couldn’t pick a better description because dem reporters always picking he bones. That is how dem find out ‘bout he house up de East Coast.
Dem boys seh that de private media wid all dem carrion crows gun thrive in Guyana because dem have nuff dead meat in de government. Some of dem bloat up already and when dem walk dem does lef a smell. Is that smell that does have de reporters trailing dem and exposing wha dem does do.
Dem have one that is more vulture than dem reporters. He does prey pun li’l boys. Dem boys seh that while a certain man cussing C.N. he ignoring a criminal in he own office.
But things ain’t suh bad. All dem reporters in de private media gun dress in black because carrion crow black. People might tek dem fuh lawyers but that is a chance dem intend to tek especially since de bald eagle know he family. Dem carrion crows and de bald eagle is family.
Talk half. Lef half.
Oct 13, 2019Barbados Tridents won their second Hero Caribbean Premier League (CPL) title as Guyana Amazon Warriors’ perfect season unraveled at the worst possible moment. The Warriors had won all 11 matches...
Cyril Belgrave, one of the finest politicians the PPP produced, died this week. His death coincided with information I stumbled... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]