Latest update March 28th, 2024 12:59 AM
Oct 07, 2011 Dem Boys Seh, Features / Columnists, News
When people get knock off everybody does know but dem boys know that one man can fire all he want but if a bigger boss seh that de man ain’t fired then de man does stay pun de wuk.
Car-Bin fire he representative pun de Advisory Committee for Broadcasting. De Big Man ignore de instruction because once he appoint, nobody coulda fire de man. Suh from 2003 to this year de man was wukking.
De thing cause confusion because when de Short Man TV get suspend some people claim that de ACB wasn’t wukking. Now dem know that dem lie.
But all this confusion is only a distraction from de hydro money. Dem boys seh that people already tek so much that just like de people who got to pay back, dem getting hydro seed. De load too much.
And is now dem boys understand why dem Chinese coming to Guyana before dem head to de States. Nuff people tekking money from dem fuh a Guyana passport; then dem tekking money fuh de work permit. Imagine dem have to pay to sell in a cook shop.
And fuh easing de population in China, de Chinese government paying good money to de Big Man. Dem boys believe that de money is fuh Guyana. Is some of that money dem use to buy all dem other people, including de Mango Man.
De only thing dem can’t buy is computer. Dem paying nuff money fuh some cheap computer. At least that is wha some people think. But dem boys know that money is a thing that does circulate. When Guyana pay dem Chinese fuh de computers, de people gun tek out dem computer money and circulate de rest. But is who gun get it?
Dem boys seh check pun all who building house.
Talk half. Lef half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]