When dem boys talk bout de bad things other people does do dem does throw dirt. This thing didn’t got to be suh bad. Dem boys seh that a few years back when dem start fuh talk bout corruption some people who close to de Big Man try fuh shut dem up just like how dem shut up some people in de other camp.
One man meet de Waterfalls boss man and offer he a ton of money. He tell de boss man that dem gun give he anything he want but he must tell dem boys fuh shut dem mouth and let de people who thiefing continue like if nutten ain’t happen.
De boss man refuse de offer because he like sleep and when he tek blood money it gun rest pun he conscience. He send a message that he don’t tek bribe and he chase dem.
People don’t like get insult suh is one big campaign fuh mek de boss man look small.
But dem boys seh that all dem doing is mekking demself look stupid. When dem talk bout de beating de boss man tell dem that he would beat all of dem fuh thiefing poor people money.
Dem boys seh that if you can’t stand up fuh something then you gun fall fuh anything.
De Mango man show that he ain’t got integrity. He just like de fruit. It does stay pun de tree and get ripe then it does fall fuh de birds. He fall and birds picking de hell out of he.
But dem boys seh that talk fuh rain and talk fuh sun, de Big Man got a campaign fuh distract people. He using de Sharma issue as a distraction. Dem boys seh that it is fuh hide wha going on wid de Amaila project.
People now concentrating pun Sharma when dem hydro money slipping away. Dem boys seh that some people got more money than dem can spend. And dem boys believe that is that money dem gun use to build de hydro. Nobody ain’t going fuh no loan. De Big Man done show dem how dem can mek long term investment and that is wha dem doing.
Dem gun collect de interest, de capital and everything. Dem using de hydro falls fuh wash dem money.
Talk half. Lef half.
Jun 19, 2018The remarkable success story of Berbice Cricket continues to expand on a daily basis with new programmes and activities being unveiled to develop the game. Since the election of the new Berbice...
When Prime Ministers and Presidents offer explanations to their nations for a policy, action, decision, indiscretion, mistake,... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]