Latest update April 18th, 2024 12:59 AM
Sep 02, 2011 Dem Boys Seh, Features / Columnists, News
Is big confusion in Libya, Iraq and dem Middle East country. Dem people wake up de other morning and dem read de Waterfalls paper. Dem see de story bout de middle finger and dem get worried because dem have some leaders who does follow other leaders.
Dem see that people getting problem wid de middle finger and that some parents planning to cut off dem pickney middle finger. Dem start cutting off dem pickney finger too. Some of dem actually begging dem pickney fuh sit down pun dem middle finger if dem want to be good cricketers because that is one of the main fingers fuh grip de ball.
But dem now have more problems because a shaat man getting into de ring. He jump in de laptop story just like how he and Brazzy did jump in de Fip story. He was one who open he mouth and claim how Fip was qualified. De Waterfalls paper criticize Fip, and Ash Knee claim how is bad-minded people trying fuh mek de government look bad.
Now dem boys saying that Fip should be sitting down pun he two middle finger and wining.
Well de whole country see that Ash Knee was only flapping he mouth. He get involve in de laptop programme again. He open he mouth again. He didn’t talk bout Skeldon in a lang time because he see de madness and de thiefing. But when dem want money he does open he mouth and talk in Parliament.
He is one who does always talk about rigorous investigation. De only rigorous investigation he and he kavacamites does do is rigorous scratching wid de same middle finger. Now dem going again to Parliament fuh more money.
De other day dem put up dem middle finger when de Speaker call fuh a vote fuh de release of more money. Dem boys seh that is a plan to empty de coffers. Everybody grabbing like dem can’t full dem pocket fast enough. De elections coming and de plan is fuh mek de new man sit down pun he finger because dem wouldn’t have nutten fuh count.
And if he don’t sit down pun he finger then he gun have to play wid dem same fingers. Anger might mek he hold up he middle finger at all dem who thiefing now.
Talk half. Lef half.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]