Latest update March 28th, 2024 12:59 AM
Jul 27, 2011 Dem Boys Seh, Features / Columnists, News
A child does tun out to be wha he parents train he to do. When dem tun adult dem and got to fend fuh demself, dem does tek directions from dem boss or from de leaders of de land.
De people who thiefing tek dem guide from some leaders and some Ministers who does give demself big money contracts.
Dem boys know that when it come to thiefing man does deh in de forefront. But things meet de stage wheh woman does behave like man.
Yesterday a young man walking in Tiger Bay wid two girls. A big strapping woman and two man stand up and see this man and de chain he was wearing.
When de young man walk by dem boys see de strapping woman collar de young man like she child, box he couple time and tek away he chain while she two accomplice stand up watching.
And she two accomplice just stand up watching but dem didn’t see de police nearby.
Dem jump when de police pull up. And of course one of dem same policeman treat de woman like de man she playing.
He dig some slap in she and ask she fuh de chain. In a baby voice she point to de ground when she drop it. And she shame.
She deh in de lock ups waiting fuh talk to a magistrate. Dem boys want see she photo in de papers and dem hope she face swell. She must explain how she end up wid de chain at she foot and why she slap de young man.
Dem boys seh that this same woman should end up in a man jail because she think she is a man.
Talking bout shame, some people ain’t got shame. A Minister try fuh tell people that he didn’t have nutten to do wid computer contract when is he Ministry had de second to last say. Oh Pee had de last say.
And de same people had de nerve fuh seh that de Waterfalls Paper lie. Is who really lie? That is wha dem boys want fuh know.
Talk half. Lef half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]