Is strange that people ignoring Guyana. Long time when dem other countries had dem function dem use to invite Guyana.
De other day England had a royal wedding and dem ignore Guyana. No invitation come and dem boys seh that de invitation probably get lost in de post. Dem boys seh that de whole country wait and wait but de invitation never come.
Dem believe that like some other letter this invitation might surface eighty years from now and mek news. De only thing is that all of dem gun dead and gone.
Monaco had a big wedding. Dem invite 3,500 people including dem heads of state. De whole world only got 190 countries suh at least less than 200 invitations woulda go to dem heads of state.
Of course dem woulda refuse to invite Gaddafi and Assad from Syria and de head of Afghanistan and countries that got problem. But dem refuse to invite Guyana.
Dem boys get vex because dem know that we leader mek he suit and had it put up. He had to wear it to St Kitts.
Guyana use to host nuff state visit. People come from all over de world. Now dem not even coming. Dem countries use to invite Guyana and was a state visit. That ain’t happening.
Even when de Suriname President come was a state visit. Now a days de man coming backtrack and people don’t even know. And when we go is same thing.
Times really change. People tunning dem back pun Guyana and that ain’t a good thing because we important. We got people, we got forest that saving de world and we got we pride.
But if you tell that to dem boys dem gun seh that these days dem things can’t buy nutten in de shop. Not even we forest because Norway refuse to give we money fuh de same forest.
Talk half. Lef half.
Aug 06, 2020GAW players in Quarantine in T&T ahead of CPL By Sean Devers This is the eight season of the Caribbean Premier League (CPL) since the inaugural tournament in 2013 and 33 matches will be played...
The PNC has the Statement of Polls (SOPs). The PNC knows which Indian, African and Amerindian areas in all of Guyana that... more
By Sir Ronald Sanders Amid the feverish work to cope with both the public health and economic effects of COVID-19 on their... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]