Today is Father’s Day and nuff fathers sad. Some of dem looking fuh diversion—anything fuh tek dem mind off dem own bad mind. Bar-Rat run out de country and dem boys check and find out that he does lef de country every Father’s Day. Dem wondering why.
This time he lef Irfaat as de acting PM. De man enjoy de acting thing that he push out Sam out of de PM car even before Bar-Rat lef de country. Was noise down de road. And he waving like he is a visiting PM—all de way down de road.
When he meet de Saffon Street Bridge and he go fuh come out de car dem boys hear a sound. And den dem smell. People don’t do dem thing that in air condition. Irfaat do that.
Is de fuss time de security glad fuh come out a car.
Was a pity that dem didn’t open de bridge suh that de man coulda cut a ribbon and seh that he do something.
Now dem security don’t want wuk wid he in de car.
Then dem boys know all dem MF who seh that dem is fathers. MF is Mohamed Fazil or Mr Frank. Anyhow, dem boys seh Happy Father’s Day. To all dem father who tekking care of dem children, dem boys seh Happy Father’s Day. And God Bless.
To dem other fathers who nevah tekking care of dem own children, Dem boys seh Happy MF and de M stand fuh Mother. You figure wha de F stand for. You Filthy bastards.
Talk half. Lef half.
Aug 12, 2020Trinidad and Tobago Newsday – FORMER West Indies batsman Ramnaresh Sarwan will not be the assistant coach of the Jamaica Tallawahs for the 2020 Hero Caribbean Premier League (CPL) T20...
If you belong to another planet, and you descended upon Guyana on Monday, August 10, 2020 and you read a letter by Vincent... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]