Something strange happen. Dem boys now claiming that GuySuCo behaving like a woman who got she son and mekking decisions. Now this boy give a commitment to a gyal. He want de sex. De gyal agree.
Then de mother tun round and seh that dem can’t have de sex because she wouldn’t give permission. But de boy tell de gyal that he still committed to de sex. Suh de boy got de commitment but is de mother that blocking it.
Dem boys ain’t sure that Bim Bim is de boy. Dem believe that is Rob-Bert who got de commitment fuh de forensic audit and Bim Bim is in de shadow whispering that he and all got de commitment. But de mother, in this case de Auditor General who Bar-Rat talking through, telling Rob-Bert and Bim Bim that all de commitment dem got, no sex.
Dem boys seh that de mother hiding something, that is why she can’t give de permission but dem boys seh that if de man really serious he can go and do he own thing.De Auditor General name Sharma. Fuh send home de message Bar-Rat call de odda Sharma and terrorise he till de man wife cry.
But is suh when people is rubber stamp and ain’t got a mind of dem own. That is wha dem boys seh. Bim Bim had to tell Bar-Rat how de thing get suh far and was when he was out de country, as usual. That is how Bar-Rat tell he to get sense and find an excuse and find one fuh he.
Dem boys call de Auditor General and he refuse to answer he phone. He shame because people putting words in he mouth. Dem boys seh that de poor man gun tek anything in he mouth. Bim Bim too.
Dem boys seh that he think he smart. He get somebody fuh send de letter bout de Auditor General and de audit after he lef de country. De letter bout de commitment couldn’t come from he because he still out de country suh dem boys sure is Rob-Bert send that one.
Now dem tek nuff money fuh de Enmore plant. Somebody pocket full and de forensic audit woulda skin dem up. That is why dem put de Auditor General in front.
Dem do de same thing like de man who build two latrine fuh $11M. Dem boys seh that Chris Ram should try a forensic audit wid that too but of course, dem gun tell de world that de Auditor General ain’t agree.
Talk half. Lef half.
Sep 24, 2020DERBY, England – Peaking at the right time. That is how West Indies Women’s new ball bowler Shakera Selman described her career after an impressive performance in the first T20 International...
The total number of coronavirus cases in Guyana stood at 2, 535 on Wednesday of which there are almost more than 1,000 active... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]