Latest update April 18th, 2024 12:59 AM
May 05, 2011 Dem Boys Seh, Features / Columnists, News
Power does drunk people. It does mek some people dead through drowning. It does mek some midget feel tall and it does mek some dunce people feel that dem bright more than anybody else.
A lady and she mother go to Irfaat and de man talk down to dem like if he talking to he slave or he servant. Imagine little Irfaat. Dem boys know that something woulda happen. Dem see de woman get up and right away dem expect fuh see she slap de man. She ask Irfaat if that is de way he does talk to people. Then she walk out.
Dem boys seh that nuff people does want talk down to people. But only because dem have power mek dem can do that. GPL run out of power and nuff people gun run out of power soon.
Dem boys see nuff people who was Minister and dem walking pun de road and people don’t even look at dem.
De PRO fuh de Donald also try fuh talk down to people. He announce that Donald wukking wid Bharrat fuh free. He tell everybody how Donald don’t even get pay when he wukking wid GuySuCo.
Dem boys want tell Donald that he mustn’t try dem tricks, that he must lef dem fuh Bharrat. That is fooling de whole world. Nobody can imagine Donald without a source of income. He ain’t name Bharrat who done mek heself right and who near fuh done wuk.
One thing is certain.
Dem boys seh that if he continue wid tricky business he gun get some good lash all cross he brains from dem boys.
He refuse to count de cost of de airline, de hotel bill, de food he eat especially wid that belly he got, and de out of pocket allowance. That more than half year salary. Dem boys seh Donald can do better than that. Just in case he feel that he can’t do better he got to ask dem boys. Dem willing fuh help.
Talk half. Lef half.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]