Everybody is a contractor suh till criminals telling police how dem is contractor. Two men decide to go pun a robbery spree. Dem break into a house at Good Hope and terrorise de family. One of dem shoot de man and then dem get away.
Before bird wife coulda ketch sheself dem same two strike again, this time at Montrose. Dem lick up de store and then dem run but people been behind dem. One of dem get ketch wid money in he crotch and he had a gun.
When dem boys question he de man answer how he is a contractor. Now he didn’t have tools and dem boys want to know if he had a contract to make mud because he was rolling up in de mud when de people ketch he.
He friend get ketch later. He claim how he was a labourer for de contractor. But is de contractor family who mek dem boys laugh. When dem hear that dem family get ketch de fuss thing dem ask was “Wha happen to de one who been wid he?”
Well dem boys seh that is now dem understand how contractors does operate. Dem does tek money from de government, put it in dem crotch and roll up in mud pun de foreshore. That is why de roads never done properly and why some kokers don’t have proper door.
Dem same contractors gon have to explain dem actions. Bharrat busy explaining he actions too. He mek Donald an adviser suh that de man can travel every where. He teaching Donald to travel first class and how to develop frequent flyers miles.
And of course, de fuss place dem gone is America. Before Donald tun adviser he use to go to China and Venezuela and Russia. Now that he is special adviser he got to go to de States and London and Paris and Canada.
And Bharrat give Uncle Glenn nuff headache. Since he announce that Uncle Glenn into backtrack, people forming long lines outside de Waterfalls paper. All of dem want to go backtrack.
Talk half. Lef half
Jul 20, 2019By Franklin Wilson Guyana’s ‘Lady Jags’ have for the third successive occasion in this group romped to a 2-0 win, this time they have added to their list the previously unbeaten Saint Lucia to...
Freddie Kissoon When President Trump declared last week that three American born legislators should go back to where they... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]