Latest update March 29th, 2024 12:59 AM
Apr 16, 2011 Dem Boys Seh, Features / Columnists, News
De Road March tune was ‘Dem ah watch me’. Everybody singing this song till people even tek up watching. Dem boys watching.
De other day dem decide to go to an auction when some car was on sale. De government did seize these cars because de people refuse to pay fuh dem. Well is because dem boys was watching that dem see de scam. “No tricks. No living.”
Dem boys see how people does let de government seize dem vehicle pun de wharf and wait fuh de auction fuh buy de same vehicle fuh less than dem woulda pay if dem did pay de taxes.
Dem boys seh that dem watch and dem see how people does call one set of money fuh de car but when dem got to pay is a different story.
People holler how dem bid $3 million and when dem go to pay dem only pay half that amount. De rest does buss up wid de people inside because at de bid nobody don’t keep records.
Well de other day dem boys see de scampishness. Dem nearly had big story because a man who lef he car pun de wharf because he know that de government woulda sell it, threaten a man who had he eye pun de car. De other man end up buying de car and de importer get vex. He even threaten fuh bun up de car when he see it pun de road.
Dem boys record de whole bid and dem waiting fuh see wha kind of receipt de auctioneers gun give fuh de goods.
When Bharrat and Khurshid seh that dem don’t have corruption, dem lie. People ain’t stupid. And dem boys a watch.
Talk half. Lef half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]