India win de World Cup and it cause problems in some place. Ganda invite some friends to watch de match pun TV that he get as part of de One Laptop Per Family programme fuh help out wid de education pun TV channel.
Dem boys seh that he had a Sri Lankan servant and to show off, he call pun de woman fuh bring some tea fuh everybody.
De woman bring de tea in a plate. He get vex and he ask she why she didn’t bring in a cup. De woman simply tell he that India gone wid de cup.
That s not de only thing that India gone wid. It gone wid de money that de Waterfalls paper did planning to give he. De man win but he decide that he got a big heart and he write off de bet.
And dem boys seh that while Ganda fussing about who smell rum pun he breath, he got to finish off de New Building Society project. It behind schedule.
But one thing, Bharrat shortening de crew. He sending Kellawan to Brazil suh that mean is only a few people gun be drinking at NAACIE. But then again, dem boys seh that is less people gun be able to bruck up other people car.
But it might cause a bigger problem because Kellawan might want to go to Brazil and shoot somebody. Dem Brazilian police don’t mek joke. Dem does shoot even children.
Kellawan li’l short but is only a madman gun tek he fuh a child—a bald head child. Donald losing he hair too but dem boys she that he is not suh bad. He already closer to de Presidency. De last vote still got dem boys voting. Was by secret ballot.
Gail vote fuh sheself, Clement vote fuh heself, and Ralph vote fuh heself. That was de only vote dem get. If dem had to lodge a deposit dem woulda lose it.
But before de vote dem was buying drinks fuh people. De people tek de drinks and vote fuh Donald. Dem boys seh that was a case of bad investment.
But dem have wuss things that that. De government wage war against de Canadian High Commission. Benn put some lash pun de High Commission because de Canadian see Guyanese squatting pun de parapet and decide to follow suit. Well dem Canadians gun retaliate. Is now nuff Guyanese visa gun get revoke. Dem boys seh that fuh sure, Robeson will never visit Canada again.
Talk half. Lef half.
Aug 21, 2019Story & photos by Sean Devers Watched by large and raucous crowd the Curtains came down on day three of 2019 Senior Squash Championship in Guyana as veteran Racquet wielder the ever green...
U.S. President Donald Trump’s new rule on immigration and nationality, published on Monday, August 12, is not different... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]