Nuff people decide that dem gun drive and park pun Carifesta Avenue when de night come. And all of dem betting that before three months pass dem gun get a new car plus compensation.
Dem know that de man who does smash up car pun Carifesta Avenue always using that roadway because he watering hole deh along that same route and when he tek up he drinks he does tek aim pun that same road.
Uncle Freddie got de same plan. He always asking fuh a new car. Well he get one. Dem overseas people pool and send a nice pick up fuh he. Dem boys mekking de presentation in de new week.
He seh that he gun park outside State House and wait till Bharrat lef de office. Then he gun jam Bharrat car. Dem boys seh that if he jam de president car now he gun get put away in Brickdam fuh two weeks instead of de two days he and Benschop spent.
Dem boys seh that de situation get contentious. People writing letter cussing de President and de President cussing people from de platform.
Sasenarine write a letter which actually telling Bharrat how he can’t give he nutten. Dem boys seh that de man strip Bharrat then dress he back.
Then dem have a man who threaten fuh expose more thing bout de laptop project. He come from overseas and he get fired. Is suh when thieves and whores fall out. That is wha dem boys seh.
Talk half. Lef half.
Nov 20, 2019Hodge’ maiden ton goes in vain as Volcanoes lose by 22 run By Sean Devers in Trinidad In a game delayed by 45 minutes due to some showers a handful of fans watched Guyana Jaguars beat Windwards...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]