When thieves get ketch dem does try fuh wriggle out. Some does try fuh dance out without any music, some does sing and dance to dem own tune.
That is exactly what happen in de NDIA wid Rob- Bert, Liar-Nel and all of dem. De procurement people put out a contract fuh five million dollar fuh build one koker door. That was de engineer estimate. Dem boys smell something. Was de same thing wha dem throw pun Freddie.
Dem decide fuh run a check and expose de koker door.
Rob-Bert jump up and start fuh wiggle wuss than Kwame. He talk how de door got to get pulley, and wire rope, guiding strips, gate guides and lifting mechanism.
He move from one to two door. This was never in de bid document. He want pull wool over people eye. Dem boys can handle de wool over dem eye some of de time but wha dem can’t understand is de lifting mechanism.
Dem boys know bout Viagra, Cialis, kokshan and things like that.
Dem boys never know he been in such a bad way. And if he short of rope he can borrow some of de same wire rope that he seh dem got to change pun de koker. Liar-Nel can do de same. Kwame glad fuh some lifting mechanism fuh he koker. Dem boys want fuh know if dem can do all that fuh a li’l koker door wha dem a do wid we at de Hope Canal?
Dem boys seh the UN freeze Mubarak assets and dem froze Gadaffi own.
Talk half. Lef half.
Oct 15, 2018Eagles Basketball Club and Pacesetters played both matches contested on Saturday at the Burnham hard court in the Second and First Division of the Rainforest Water/Malta Supreme/Georgetown Amateur...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]