Dem had a big scare in de Brickdam lock-ups. A jumbie end up in de place and all dem prisoners get frighten. Dem boys seh that dem hear people calling fuh dem mother and some begging fuh come out and how dem wouldn’t behave bad again.
But before all that, dem same prisoners use to behave anyhow. Dem talk rough to de guards and dem cuss anybody because dem tell demself that nutten worse could happen to dem.
Jail was de worse thing that could happen. Dem didn’t bargain fuh Jumbie.
In Guyana, Jumbie is a thing that mek people jump to dem death; Jumbie mek people enter dem home by dem back and some use to throw salt over dem shoulder.
Is when de news reach dem that de police putting a Jumbie in de jail that worries start
Dem boys seh that some men spend a Christmas that dem would never forget. Many didn’t sleep; some ketch fits and Jumbie smile. Well dem boys seh that de smile mek things get worse.
Jumbie get release but de situation inside de lock-ups still tense. It suh tense that de government went to Parliament fuh nuff money one day before de year end. Dem ask fuh $33 million American dollars.
Dem boys seh that dem only find out after that de money is fuh some people in Parliament who drawers come down, suh dem draw down taxpayers’ money from de Treasury to buy more drawers. Who dem buying it for?
Talk half. Lef half.
Oct 16, 2018By Sean Devers in Trinidad In association with Regal, Vnet, Noble House Seafoods & Cascadia Hotel In murky conditions and played before virtually empty stands, Guyana Jaguars, led by a 79-run...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]