Now-a-days women got to worry when dem have to go to a doctor wid any problem. One of dem just get knock off from the Georgetown Public Hospital and not because of something he do in Guyana. He trouble he stepdaughter when he was living in de States.
Dem boys seh that he mek all kind of excuse but de child know when a man do something wrong and she complain.
Big women in Guyana does get de same treatment but some of dem does shame to talk. One woman go to a doctor wid a problem in she ears. De man tell she fuh tek off she blouse. Then he tell she to tek off she brassiere.
Dem boys seh that she either had big ears or de doctor had other intentions because he feel she breast.Another woman go to de doctor fuh a swelling in she foot by she ankle. De doctor tell she to pull up she skirt. She pull up de skirt to she knee and de doctor tell she to lift up de skirt higher.
Is only when he tell she that nutten ain’t wrong wid she private parts that he tell she to tek a blood test.
One of dem run out de country because de Waterfalls paper report how he put a woman to sleep and then had he way wid she. Dem boys write de story and other women start fuh complain bout de same thing. De doctor run.
But dem have still have some doctor who doing dem nastiness because women don’t complain because dem shame.
Well dem boys telling all dem women to report to dem at de Waterfalls paper if de doctor who still troubling women mek he pass at dem. And dem must talk hard.
Talk half. Lef half.
Feb 17, 2020Two months after she snatched gold at the Caribbean Championships in Trinidad and Tobago, Caribbean champion junior boxer, Alesha Jackman, will have her second overseas engagement. This weekend, the...
The incident described below is the kind of thing the media should report on. But there are so many open secrets in politics... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]