Latest update February 8th, 2025 6:23 PM
Nov 25, 2010 Dem Boys Seh, Features / Columnists, News
Is a long time now dem boys get worried that children learning to thief in school. De other day some of dem decide to practise what they learn in school. Dem walking down de road and suddenly dem decide to put into practice wha dem learn. Dem snatch a chain.
When de police ketch dem, one of dem claim how dem practising to wuk wid de government. Dem hear that de people who wukking wid de government got to thief. Dem point to Customs and dem contractors and some engineers.
One of dem even claim how dem see de Ministers get rich from de time dem join de government.
When de policeman tell dem that de Ministers didn’t snatch gold chain dem reply that dem Ministers children does go to school wid fancy things. Fancy cars does drop dem Minister children to school and dem want de same things.
One of dem even claim that he want to go to school wid a laptop and Bharrat promise everybody a laptop but he tekking too long to provide dem. Was a sad day. De policeman buss cry. Dem boys seh that when de big ones ignore de reality dem schoolchildren does wake dem up. Is a good thing that de police recognize that was schoolboys and didn’t shoot. But de story now out in de open.
Henry de Top Cop call Shaik Baksh to discuss this new situation but he was too late. Shaik hear de news bout de chain snatching and fly out of de country.
Talk half. Lef half.
Feb 08, 2025
Kaieteur Sports- The Caribbean has lost a giant in both the creative arts and sports with the passing of Ken Corsbie, a name synonymous with cultural excellence and basketball pioneering in the...Peeping Tom… Kaieteur News- In 1985, the Forbes Burnham government looking for economic salvation, entered into a memorandum... more
Antiguan Barbudan Ambassador to the United States, Sir Ronald Sanders By Sir Ronald Sanders Kaieteur News- The upcoming election... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]