A woman tek over Brazil and soon as she win dem other world leaders announce that is another woman tek over.
Well in Guyana, as soon as dem hear that nuff of dem decide to announce that dem gun contest de presidency. Dem had one already.
When dem hear dem want to know how a woman can tek over from Lula. Dem boys announce that Lula had a lot to do wid it and people listen to he. He change de whole economy; poor people get something.
Bharrat change de economy in Guyana too but poor people ain’t get nutten. Dem punishing. Dem boys seh that if Bharrat was to put up Gail or Carlyn, dem same poor people woulda ignore he. He is no Lula.
Manning was a man like Bharrat. He handle nuff money in Trinidad. He travel by charter jet; he build big conference centre—Guyana build conference centre too—Manning build de airport and Bharrat build airport too.
Manning lose de elections. A woman beat he and mek he shut eh mouth fuh five months. He only talk when de Bajan Prime Minister dead and he seh good things bout de man. Dem boys want fuh know if anybody gun talk good about Bharrat.
Talk half. Lef half.
Aug 06, 2020GAW players in Quarantine in T&T ahead of CPL By Sean Devers This is the eight season of the Caribbean Premier League (CPL) since the inaugural tournament in 2013 and 33 matches will be played...
The PNC has the Statement of Polls (SOPs). The PNC knows which Indian, African and Amerindian areas in all of Guyana that... more
By Sir Ronald Sanders Amid the feverish work to cope with both the public health and economic effects of COVID-19 on their... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]