Le Repentir cemetery is de place whe de dead suppose to rest in peace. Well City Hall decide that dem mustn’t rest suh it put garbage fuh mek dem jumbie get a dose of smelly thing.
Dem even dump garbage pun some tomb. Dem boys seh that a lady go to see she mother tomb and buss cry because she didn’t walk wid a shovel to dig through de garbage to reach de tomb. Well de authorities got a plan. No more burial. Is pure cremation. Everybody gun bun and if de family decide to resist dem boys seh that de people gun bun dem in dem house. Georgetown got to mek way fuh de garbage because that more important than graves. That is why dem had so many fires at one time. People was practicing like mad.
De army planning fuh bun some soldiers like de one who lef he gun in de bush. De police did bun a teenage boy because he didn’t ant talk bout a murder.
Regent Street always had fire because it was necessary to bun things that couldn’t sell but which had insurance.
Dem boys going to Parliament. Dem intend to legalise fires. Even Rastas talking bout bun and fires pun you and things like that. Talk half. Lef half.
Feb 27, 2020Country Coordinator Brian Joseph hails project a success; seeking to expand By Franklin Wilson The ten Primary Schools which formed part of the Concacaf Next Play Pilot Project were yesterday part of...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]