Dem boys get into trouble yesterday when dem mek joke wid Bharrat and claim how he building house all of a sudden. Joke is joke and sport is sport.
Is not everybody does tek some things as joke. Dem boys decide that dem gun still mek joke wid Bharrat but dem gun pick dem joke.
Dem gun talk bout de time when he get de flu and he lie down in he bed and cry because some foreign artiste was coming to Guyana and he couldn’t see de man.
Of course de security try to invite de man to meet de pressey but de man claim how he don’t like disturb sick people. He lie. He believe that he woulda get flu.
Dem boys also know that Bharrat don’t walk wid money in he pocket because he frighten that he got to give to everybody who beg.
One time he try and borrow money from he security guard. He still paying back all of dem because from de time he give one man that man tell he friend and is suh de story guh.
That is why Bharrat doesn’t stop all dem big ones who want to walk wid he and show off.
As soon as he meet a crowd and people beg he does tun to dem big one and tell dem to free up some money. Dem can’t refuse but nuff of dem does mek de first visit de first and de last.
Robert don’t walk wid Bharrat fuh de same reason and Gerry Gouveia keeping far. Dem think that when dem give away dem gun get poor.
Dem is cheap rich people. Dem got to guh to de special school that Uncle Glenn setting up. Is a school that does teach people how to give and to get.
He already send invitation to Boyer, Manny, Brassy, Bobby and couple others. None of dem ain’t respond but Uncle Glenn got a way. He not talking suh dem boys decide to adopt de old policy.
Talk half. Lef half.
Oct 28, 2021Kaieteur News – Gary Ragnauth hit an attractive 64 to spur Caribbean Sports Club to comfortable 30-run win over Sunrisers last Sunday at Cullen Beach where action continued in the inaugural...
Kaieteur News -I thought that David Granger was strategising by not announcing his candidacy then doing it at the last moment.... more
By Sir Ronald Sanders Kaieteur News – It is nothing short of shocking to learn that, despite the fact that the world... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]